22 Մայիս 2012
Անդամների տարածք
Արխիվ "ԼԵՌՆԱՅԻՆ ՂԱՐԱԲԱՂ. Ճշմարտություն և Փաստեր" նախագծի մեկնարկ | 07.04.2011 Ս.թ. ապրիլի 8-ին տեղի ունեցավ Միացյալ Ազատական Ազգային Կուսակցության մամուլի ասուլիսը, որին ազդարարվեց "Լեռնային Ղարաբաղ. Ճշմարտություն և փաստեր" նախագծի մեկնարկը:  Այն իրականացվում է ՄԻԱԿ-ի կողմից, նախագծին արդեն իսկ միացել են մի շարք հասարակական կազմակերպություններ, խմբեր եւ անհատներ: Ծրագիրը տևելու է մեկ ամիս և ավարտվելու է Շուշիի ազատագրման օրվան ընդառաջ: Ծրագրի հիմնական նպատակը Լեռնային Ղարաբաղի հակամարտության պատմական հանգամանքների, ընթացքի և իրական փաստերի վերաբերյալ ամփոփ և համապարփակ նյութերի համացանցային հասցեական տարածումն է աշխարհի բոլոր երկրների ազգային կառավարությունների, հասարակական և քաղաքական կազմակերպությունների, ինչպես նաև հեղինակավոր միջազգային կառույցների ազդեցիկ և շահագրգիռ ներկայացուցիչների շրջանում: Նախագծի ռազմավարական նպատակը Լեռնային Ղարաբաղի Հանրապետության միջազգային ճանաչմանը նպաստելն է:Նախագծի հիմնական և ռազմավարական նպատակներին ուղղված խնդիրներն են`
Ծրագիրն իրականացվում է երեք փուլերով. Առաջին փուլում ստեղծվում է աշխարհի բոլոր երկրների ազգային կառավարությունների, հեղինակավոր միջազգային ու հասարակական կազմակերպությունների ազդեցիկ և շահագրգիռ ներկայացուցիչների անվանական տվյալների բազա: Մշակվում և տարբեր լեզուներով թարգմանվում են ԼՂ հակամարտության վերաբերյալ ամփոփ և համապարփակ նյութերը: Զուգահեռ ձևավորվում են նախագծին նպաստող տեղական ու հայկական լոբբինգով զբաղվող կազմակերպությունների, ֆորմալ ու ոչ-ֆորմալ խմբերի կոալիցիաներ: Երկրորդ փուլում արդեն ձևավորված տվյալների բազայում առկա անվանական հասցեներով ուղարկվում են վերոնշյալ նյութերը: Նախատեսվում է մի քանի միլիոն էլեկտրոնային հաղորդագրությունների նպատակային տարածում: Երրորդ փուլում ամփոփվում են ծրագրի արդյունքները: Նախագծի արդյունավետության հիմնական չափանիշ կազմակերպիչները համարելու են հաղորդագրություններից ստացված կոնկրետ արձագանքները: |
| ||||
ԿԱՌՈՒՑՎԱԾՔ