Կոնրադ Ադենաուերի հիմնադրամի կողմից Հարավային Կովկասի Քաղաքական երկխոսության ծրագրի շրջանակներում օգոստոսի 21-ից սեպտեմբերի 1-ը կազմակերպվել էր երիտասարդական հավաք: Այն նախատեսված էր հարավկովկասյան երկրների` Հայաստանի, Վրաստանի և Ադրբեջանի երիտասարդ քաղաքական գործիչների և լրագրողների համար, ծրագիրն իր մեջ պարունակում էր 3 հիմնական մաս` դասընթացներ, հանդիպումներ և ընտրություններ: Հավաքը տեղի ունեցավ Գերմանիայի Դյուսելդորֆ, Բոնն և Քյոլն քաղաքներում:

Հայաստանը ներկայացնում էին ՄԻԱԿ-ի արտաքին կապերի քարտուղար Նաիրա Կարապետյանը, ՀՀԿ երիտասարդական թևի նախագահի տեղակալ Մարթա Սիմոնյանը, ՕԵԿ երիտասարդական թևի նախագահ Արթուր Միսակյանը, Մշակույթի նախարարի մամուլի խոսնակ, անկախ լրագրող Անուշ Մկրտչյանը և "Ազատություն" ռադիոկայանի լրագրող Էմիլ Դանիելյանը: 

Դասընթացները անց էին կացվում "Deutsche Welle" Ակադեմիայի ծրագրերի ղեկավարներ Ուդո Պրենզելի և Էբերհարդ Ցուկերի կողմից` Կոնրադ Ադենաուերի հիմնադրամի ուսումնական կենտրոնում: Ուսումնական մասը բաժանված էր ըստ թիրախային խմբերի` քաղաքական գործիչներին մատուցվում էր լրատվամիոցների ներկայացուցիչների հետ հաղորդակցվելու հմտություններ, լրագրողները սովորում էին հարցազրույցի և մամուլի ասուլիսների անցկացում: Նյութի ներկայացումից հետո կատարվում էին իրական հարցազրույցներ և մամուլի ասուլիսներ, որոնց վերջում վերլուծվում էին մասնագետների կողմից: Ի հպարտություն ՄԻԱԿ-ի, լավագույն արձագանքները մերն էին:

Հանդիպումները նույնպես շատ հետաքրքիր էին և արդյունավետ: Կոնրադ Ադենաուերի հիմնադրամի Քաղաքական հաղորդակցություննրի դեպարտամենտի ղեկավար Ռալֆ Գելդենցորֆը ներկայացրեց արդյունավետ հաղորդակցման գրավականի անհրաժեշտ քայլերը:

Տարածաշրջանային պարլամենտի պատգամավոր Լիզա Վինկելմիյեր-Բեքքերի պատմեց երիտասարդ կնոջ քաղաքական կարիերայի հնարավորությունները Գերմանիայի Քրիստոնեա-Դեմոկրատական Միությունում, պատգամավորի աշխատանքի առավելությունները և դժվարությունները:

Գերմանիայի Տնտեսական զարգացման նախարար Մարիո Ուրբանի և նախարարության Հարավային Կովկասի և Կենտրոնական Ասիայի դեպարտամենտի ղեկավար Ֆրեդերիկ Գոլի հետ հանդիպման ընթացքում երիտասարդները բազում հարցեր տվեցին իրենց երկրների հետ համագործակցության վերաբերյալ, ինչպես նաև հետաքրքրվեցին նախարարության երիտասարդ աշխատակիցների հաջողություններով:

TNS Մեդիա և Սոցիալական հետազոտությունների ասոցիացիայի գործադիր տնօրեն Քլաուս-Պիթեր Շոփփները ներկայացնում էր սոցիալական հետազոտությունների ճիշտ գործածումը քաղաքական կյանքում, քաղաքական պատվերների և իմիջային PR-ի արտացոլումը ԶԼՄ-ներում:

Հարավկովկասյան տարածաշրջանի երիտասարդ քաղաքական գործիչներին ամենաշատը հետաքրքրեց պարլամենտում տեղի ունեցած հանդիպումը Գերմանիայի Քրիստոնեա-Դեմոկրատական Միության խմբակցության մամուլի քարտուղար Աքիմ Հերմեսի հետ: Հնչեցին հարցեր կուսակցության աշխատանքի, արտաքին կապերի և ԶԼՄ-ների հետ հաղորդակցության մասին: 

Հետաքրքիր էր նաև Կոնրադ Ադենաուերի հիմնադրամի արխիվի մասնագետի Անգելա Քելլերի կողմից ներկայացված Քրիստոնեա-Դեմոկրատական Միության պաստառների էվոլուցիոն պատմությունը: Ներկայացվեց նաև արխիվում առկա նյութերի պահպանման կարգը, ցուցադրվեցին նմուշներ: 

"Deutsche Welle" հեռուստաընկերությունում հարավկովկասյան հեռարձակման պատասխանատու Ին•ո Մաննթուֆելը հյուս հայտնեց, որ մոտ ապագայում մեր երկրներում կնորմավորվի "Deutsche Welle"-ի թե հեռուստատեսային և թե ռադիոեթերը:

Ծրագրի մասնակիցները այցելեցին նաև Կոնրադ Ադենաուերի տուն Սանկտ Ավգուստին քաղաքում, տեսան նրան պատկանող իրերը, նվերները: Տպավորիչ էր Ուինսթոն Չերչիլի կողմից նկարված գեղանկարը: