Ինչպես ամեն տարի, այս տարի ևս Ծիծեռնակաբերդը ապրիլի 24-ին մարդաշատ էր: Հայ ժողովուրդը իր հարգանքի տուրքն էր մատուցում Հայոց Մեծ եղեռնի անմեղ նահատակերի հիշատակին` խոնարհելով գլուխը և սերնդե սերունդ փոխանցելով մեր պատմության գրեթե ամենաարյունալի էջը` 1915թ. Օսմանյան Թուրքիայում տեղի ունեցած Հայոց ցեղասպանությունը:

Բազմաթիվ ՄԻԱԿ-ականներ, գլխավոր քարտուղարի, քարտուղարության և խորհրդի անդամների հետ միասին, նույնպես այցելեցին Ծիծեռնակաբերդ, փաստելով, որ չնայած 94 տարի է անցել այս սարսափելի ոճրագործությունից, այնուամենայնիվ ամեն հայի սրտում դեռ վառ է հիշատակը, և դատապարտելի է ազգի դեմ ուղղված հանցագործությունը: