ՄԻԱԿ-ի III-րդ համագումարի հայտարարությունը
Միացյալ Ազատական Ազգային Կուսակցությունը, հավատարիմ մնալով իր որդեգրած գաղափարական սկզբունքներին ու ծրագրային դրույթներին, անշեղորեն շարունակելով պայքարը Հայաստանը քաղաքակիրթ և տնտեսապես զարգացած երկիր դարձնելու գործում, ընդհանրացնելով երկրի ներքին ու արտաքին քաղաքական վերջին զարգացումները, հայտարարում է .
Միացյալ Ազատական Ազգային Կուսակցությունը ողջունում է երկրորդ սերնդի բարեփոխումների իրականացումը և վերահաստատում իր վճռականությունը` սատարել անցկացվող բարեփոխումներին, ինչպես նաև հավատացած է, որ բարեփոխումների գործընթացի շարունակականության դեպքում Հայաստանի Հանրապետությունը իրապես հավակնում է դառնալ սոցիալապես, տնտեսապես զարգացած և կայուն իրավական պետություն:
|
|
Միացյալ Ազատական Ազգային Կուսակցությունը ազդարարում է Հայաստանի քաղաքական դաշտում էվոլյուցիոն սերնդափոխության անհրաժեշտության մասին: Առկա քաղաքական իրավիճակում ՄԻԱԿ-ը անհրաժեշտ է համարում սերնդափոխության միջոցով իրականացնել եվրոպական արժեքների վերջնական հաղթանակը Հայաստանի Հանրապետությունում` ձևավորելով ժողովրդավարական, ազատական արժեքներով առաջնորդվող հասարակություն:
Կարևորելով և բարձր գնահատելով ՀՀ նախագահի` արտաքին քաղաքական ձեռքբերումները , հայ –թուրքական հարաբերությունների բարելավումը, Լեռնային Ղարաբաղի Հանրապետության հակամարտության կարգավորման գործընթացում նոր փաստաթղթի ստորագրումը Մոսկվայում,Սփյուռքի հետ աշխատաքի նոր օրակագը, ՄԻԱԿ-ը ամրագրում է անցած տարին, որպես լրջագույն արտաքին ձեռքբերումների տարի: ՄԻԱԿ-ը հանդես է գալիս ՀՀ նախագահի նախաձեռնող արտաքին քաղաքականության պաշտպանության դիրքերից:
Համաշխարհային ֆինանսա-տնտեսական ճգնաժամը չշրջանցեց նաև Հայաստանը: Առաջացել են բազմաթիվ խնդիրներ կապված ներկրման, արտահանման, բանկային ոլորտի բնականոն գործունեության և այլ կենսական նշանակություն ունեցող տնտեսական օղակներում, սակայն ՄԻԱԿ-ը համարում է դա օբյեկտիվ երևույթ, ինչը կապված է համաշխարհային գործընթացների հետ և համոզված է, որ իշխանությունների կողմից կձեռնարկվեն բոլոր անհրաժեշտ միջոցները, որպեսզի մեր ազգաբնակչությունը առավել քիչ խոցելի դառնա այս տնտեսական ճգնաժամում:
Միացյալ Ազատական Ազգային Կուսակցությունը չի մասնակցելու մայիսի 31-ին կայանալիք Երևանի ավագանու ընտրություններին, քանի որ կարծում է, որ Հայաստանի նման երկրներում քաղաքապետի նշանակումը պետք է լինի միմիայն ժողովրդի կողմից ընտրված Նախագահի նախապատվությունը: ՄԻԱԿ-ը տարածքային կառավարման հարցում առաջ է քաշում նաև ապակենտրոնացման գաղափարը, ինչը կբերի մարզերի զարգացմանը ուղված ծրագրերի խթանմանը:
Իմաստավորելով անցած երկու տարիները, հավաքելով կուսակցականների և համակիրների մեծ բանակ կարողենք արձանագրել, որ ՄԻԱԿ-ը այսօր ավելի քան պատրաստ է շարունակել իր կողմից առաջ քաշված գաղափարների իրականացումը: Հերթական խորհդարանական ընտրություներում ՄԻԱԿ-ը ասելու է իր խոսքը, ապացուցելով, որ Հայաստանը եվրոպական արժեքներով ապրելուց, տնտեսապես զարգացած և քաղաքակիրթ աշխարհին լիարժեքորեն միանալուց զատ այլընտրանք չունի :
|
ԿԱՌՈՒՑՎԱԾՔ