Սամվել Ֆարմանյանը ծնվել է 1978թ-ի փետրվարի 17-ին, Շիրակի մարզի Սպանդարյան գյուղում: 

1995թ. ոսկե մեդալով ավարտել է Գյումրու ակադեմիական վարժարանի հումանիտար հոսքը:

1998-2001թթ. եղել է ԵՊՀ պատմության ֆակուլտետի ուսանողական խորհրդի և ուսանողական գիտական ընկերության նախագահը:

1999թ. գերազանցության դիպլոմով ավարտել է ԵՊՀ-ի պատմության ֆակուլտետը: 

2001թ. գերազանցության դիպլոմով ավարտել է ԵՊՀ պատմության ‎ֆակուլտետի մագիստրատուրան:

2001-2003թթ. սովորել է Շվեդիայում, Լունդի համալսարանի արևելյան և հարավարևելյան ասիական հետազոտությունների կենտրոնում, գերազանցությամբ պաշտպանել մագիստրոսական ատենախոսությունը:

2001-2004թթ. սովորել է ԵՊՀ ազգագրության ամբիոնի ասպիրանտուրայում:

2003-2005թթ. աշխատել է Բաց հասարակության ինստիտուտի օժանդակության հիմնադրամի հայաստանյան մասնաճյուղում, որպես  "Քաղաքացիական հասարակություն" և "Զանգվածային լրատվության միջոցներ" ծրագրերի պատասխանատու:

2005-2006թթ. աշխատել է որպես արտաքին քաղաքականության հարցերով ՀՀ Ազգային ժողովի նախագահի խորհրդական:

2006թ. դեկտեմբերին ընտրվել է  "Շվեդիայի գիտակրթական հաստատությունների հայ շրջանավարտների ասոցիացիայի" նախագահ:

2007թ. դեկտեմբերին ընտրվել է Միացյալ Ազատական Ազգային կուսակցության` ՄԻԱԿ-ի գլխավոր քարտուղար:

2009թ. մարտին հրաժարական է ներկայացրել ՄԻԱԿ-ի Գլխավոր քարտուղարի պաշտոնից, մնալով ՄԻԱԿ-ի Խորհրդի և Քարտուղարության անդամ:

Հեղինակ է բազմաթիվ գիտական և հրապարակախոսական հոդվածների:

Ամուսնացած է, ունի երկու երեխա: