Լևոն Մարտիրոսյանը ծնվել է 1976թ-ի փետրվարի 19-ին Երևանում:
 
Միջնակարգ կրթությունը ստացել է Երևանի Նելսոն Ստեփանյանի անվան թիվ 71 ռուսական միջնակարգ դպրոցում:

1992-1997թթ. սովորել և ավարտել է Երևանի Պետական Համալսարանի Իրավաբանական ֆակուլտետը:

1997-1999թթ. ծառայել է ՀՀ զինված ուժերում:

2000-2002թթ. սովորել է Մեծ Բրիտանիայի Էսսեքսի Համալսարանի Իրավաբանական ֆակուլտետում, որն ավարտել է գերազանցությամբ, ստանալով Միջազգային Իրավունքի Մագիստրոսի կոչում:

2003թ. ուսանել է Միացյալ Նահանգների Հարվարդի Համալսարանի Ջոն Քենեդուանվան Կառավարման դպրոցում, ավարտելով "21-րդ դարի առաջնորդներ" բարձրագույն գործադիր դասընթացը:

Ուսանողական տարիներից զբաղվել է հասարակական գործունեությամբ` հիմնադրելով և ղեկավարելով մի շարք հասարակական երիտասարդական կազմակերպություններ, այդ թվում Երիտասարդ Դեմոկրատների Միություն, Հայաստանի Երիտասարդության Ազգային Խորհուրդ, Բրիտանական ՇրջանավարտներիԱսոցիացիա և մի շարք այլ:

Զուգահեռաբար զբաղվել է մասնավոր իրավաբանական գործունեությամբ:

2007թ. փետրվարին մասնակցել է Միացյալ Ազատական Ազգային Կուսակցության (ՄԻԱԿ-ի) հիմնադրմանը, կուսակցության հիմնադիր համագումարում ընտրվելով ՄԻԱԿ-ի Գլխավոր քարտուղար:

2007թ. հուլիսին նշանակվել է ՀՀ Վարչապետի օգնական:

2007թ. դեկտեմբերին հրաժարական է ներկայացրել ՄԻԱԿ-ի Գլխավոր քարտուղարի պաշտոնից, մնալով ՄԻԱԿ-ի Խորհրդի և Քարտուղարության անդամ:

2008թ. ապրիլից ՀՀ Նախագահի օգնականն է:

Ամուսնացած է, ունի երկու որդի: