Արա Հովսեփյանը ծնվել է 1974թ-ի փետրվարի 11-ին, Երևանում:

1990-1995թթ. ուսանել է Վալերի Բրյուսովի անվան պետական լեզվաբանական համալսարանում և ավարտական դիպլոմը ստացել է լեզվաբանություն և հասարակագիտություն մասնագիտություններով:

Այնուհետև մագիստրոսի աստիճան է ստացել Հայաստանի Ամերիկյան համալսարանի Քաղաքագիտության և միջազգային հարաբերությունների ֆակուլտետում:

1998-1999թթ. ուսումը շարունակել է Մեծ Բրիտանիայի Օքսֆորդի համալսարանի Էքսեթեր քոլեջում,  որտեղ ստացել է Միջազգային հարաբերությունների և դիվանագիտության ավարտական դիպլոմ:

1995-2000թթ. աշխատել է  ՀՀ Արտաքին գործերի նախարարության Միջազգային կազմակերպությունների վարչությունում:

2000-2006թթ. աշխատել է Մեծ Բրիտանիայի Միջազգային զարգացման նախարարության (DFID) հայաստանյան գրասենյակի տնօրեն, այդ ընթացքում մեկ տարի աշխատելով նույն նախարարության Լոնդոնյան գրասենյակի Եվրոպայի, Միջին Արևելքի և Ամերիկաների գծով վարչության տնօրենի օգնական / վարչության համակարգող:

2006-2011թթ. զբաղեցրել է "Հազարամյակի մարտահրավեր հիմնադրամ-Հայաստան" ՊՈԱԿ-ի Գլխավոր գործադիր տնօրենի պաշտոնը:

2011 թվականից  

Մասնակցել է մի շարք կրթական և մասնագիտական որակավորման ծրագրերի, այդ թվում` Քեմբրիջի համալսարանի "Շահերի վրա հիմնված բանակցության", ԱՄՆ Հարվարդի համալսարանի "Առաջնորդների դերը զարգացման նախաձեռնություններում" կրթական ծրագրերին,  ինչպես նաև Կենտրոնական Եվրասիայի առաջնորդության ակադեմիայի (CELA) Գործադիր ղեկավարների ծրագրին (Ստամբուլ):

Աշխատանքային գործունեությանը զուգահեռ ակտիվ ներգրավված է եղել հասարակական կյանքում, լինելով մի քանի հասարակական կազմակերպությունների հիմնադիր անդամ, ներառյալ Բրիտանական շրջանավարտների միության և այլն:

Ամուսնացած է, ունի երկու զավակ: